Հայկն անվճար էր սովորում, 6 ամսվա ծառայող էր. մանրամասներ մահացած զինծառայողի վերաբերյալ

 

 

Հայկ Ալավերդյանը երկու քույր ուներ. հանդիսանում էր Հայաստանի ֆիզիկական կուլտուրայի և սպորտի պետական ինստիտուտի ուսանող:

 

 

ԵՐԵՎԱՆ, 26 հունիսի — Sputnik. Այսօր մահացած 19–ամյա զինծառայող Հայկ Ալավերդյանը 6 ամսվա ծառայող էր։ Այս մասին Sputnik Արմենիայի հետ զրույցում ասաց Հրազդանի քաղաքապետի մամուլի քարտուղար Արամայիս Պողոսյանը։

 

«Հայկը Հրազդան քաղաքից էր, Միկրոշրջան թաղամասից։ Նա հունվար ամսին էր զորակոչվել բանակ, Արմավիրում էր ծառայում։ Նա ապրում էր ծնողների հետ, երկու քույր ունի»,–ասաց Պողոսյանը։

Նա հայտնեց նաև, որ տղան Հայաստանի ֆիզիկական կուլտուրայի և սպորտի պետական ինստիտուտում էր սովորում, ի դեպ, անվճար։ Հայկը տարկետում էր վերցրել, որպեսզի մեկնի ծառայության, իսկ վերադարձից հետո շարունակի կրթությունը։

 

 

Հիշեցնենք, որ այսօր ՀՀ պաշտպանության նախարարի մամուլի խոսնակ Արծրուն Հովհաննիսյանը Facebook սոցիալական ցանցում հայտնել էր զինծառայող Հայկ Սուրենի Ալավերդյանի մահվան մասին` չմանրամասնելով դեպքի հանգամանքները։

 

 

Մամուլում, սակայն, տեղեկություններ կային, որ Հայկ Ալավերդյանը հրազենային վնասվածք է ստացել կզակի մասում և հիվանդանոց է տեղափոխվել Արմավիրի զինվորական զորավարժարանից։

 

 

Հայկ Ալավերդյանի մահվան դեպքը ՀՀ քննչական կոմիտեի չորրորդ կայազորային քննչական բաժնում որակվել է որպես ինքնասպանություն։

 

 

Դեպքի առթիվ չորրորդ կայազորային քննչական բաժնում հարուցվել է քրեական գործ` ՀՀ քրեական օրենսգրքի 110-րդ հոդվածի 1-ին մասով հարուցվել է քրեական գործ։

 

 

Նշված հոդվածը նախատեսում է սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության հասցնելը և պատժվում է ազատազրկմամբ՝ առավելագույնը երեք տարի ժամկետով:

 

https://armeniasputnik.am/

Be the first to comment on "Հայկն անվճար էր սովորում, 6 ամսվա ծառայող էր. մանրամասներ մահացած զինծառայողի վերաբերյալ"

Leave a comment

Your email address will not be published.


*