Մանուկների աղոթքներ

 

 

Ո՛վ մեծ Աստված, որ տվել ես մեզ բարի հայր և սիրող մայր,
Տուր մեզ շնորհք, անենք աղոթք, լինենք անհոգ,
Ապրենք խելոք, պարկեշտ ու հեզ ու սիրենք Քեզ. Ամեն:

 

 

ԵՐԳ` «Աղոթք» (Ս. Տեր-Ստեփանյան, Կոմիտաս Գևորգյան, «Հայը և իր երգը»):

 

ԱՂՈԹՔ

Ես ամեն օր աղոթում եմ
Եվ Աստծուց միշտ խնդրում եմ,
Որ Նա ինձ տա իմաստություն
Եվ ուսման մեջ հաջողություն:

 

 

Աղոթելով միշտ զգում եմ
Զորությունը մեր Տեր Աստծու,
Եվ օգնությամբ Նրա սիրո
Ազնիվ ու բարի եմ դառնում:

 

 

ՀԱՅՐ ԵՐԿՆԱՎՈՐ

Հա՛յր երկնավոր, շատ սիրելի,
Ինձ ուղղիր Սուրբ Աջդ բարի,
Որ ես կյանքում քայլեմ անվախ,
Ու միշտ Քեզնով լինեմ ուրախ:

 

 

Տու՛ր ինձ Դու Քո անհուն սերը,
Ինչպես նաև շնորհները,
Որ ամենքին բարիք բաշխեմ,
Եվ Քո կամքը միշտ կատարեմ:

 

 

Տե՛ր պաշտելի, օգնի՛ր Դու ինձ,
Որ միշտ լինեմ անձ պիտանի,
Ու ամեն գործ, որ կատարեմ,

Միշտ Քո փառքին ես նվիրվեմ:

 

 

https://www.qahana.am/am/prayers/show/538927629/30

Be the first to comment on "Մանուկների աղոթքներ"

Leave a comment

Your email address will not be published.


*