Տեր, իմ հույսը Դու Ես

 

 

 

Ով բնակվում է Բարձրյալն Աստծո հասու օգնությամբ,
այդ հովանիով երկնքի մեջ է հանգիստն իր գտնում:
Նմանը պիտի Տե՛ր Աստծուն ասի՝
ինձ ընդունողը այդ Դու՛ Ես միայն, ապավե՛ն Աստված, 
իմ հույսը միշտ Քե՛զ է բարձրանում:

 

 

Ինձ որս անողի դրած թակարդից Նա՛ պիտի փրկի
և ազատի ինձ այն խոսքերից, որ հոգին դնում են խռովությա՛ն մեջ:
Հարկ եղած պահին կշալակի՛ քեզ
և Նրա հաղթող թևերի’ վրա պիտի հույս դնես: 


Ճշմարտությունը Նրա որպես զենք՝ շո՛ւրջդ կըլինի:

 

Գիշերվա ահից դու չե՛ս վախենա,
ո՛չ էլ ցերեկով թռչող սուր նետից:
Խավարում շրջող որևէ բանից դու չե՛ս խռովվի,
ո՛չ էլ կեսօրին, երբ որ դևերը գայթակղության որոգայթ դնեն:

 

 

Հազա՛ր հազարներ քո կողմից կընկնեն,
տասնյա՜կ հազարներ՝ Աջի հարվածից,
թե մոտենան քեզ չա՛ր նպատակով:
Միայն աչքո՛վդ դու պիտի տեսնես անկումը նրանց՝
հատուցումները մեղավորների, 

որովհետև, Տե՛ր, իմ հույսը Դո՛ւ Ես:

 

 

 

Բարձրյալի՛ն ես քո ապավենն արել`
երբեք չե՛ն կարող չարքերն հասնել քեզ,
և տանջանքները չե՛ն մոտենա քո բնակարանին:
Հրեշտակներին պատվիրել է Նա, որ պահպանե՛ն քեզ՝
քո բոլո՜ր- բոլոր ճանապարհներում. 

 

 


քեզ պիտի բռնեն իրենց ձեռքերով,
որպեսզի երբե՛ք ոտքդ չզարկե՛ս որևէ քարի:

 

 

Դու պիտի քայլես իժերի՛ նաև քարբերի՛ վրա
և առյուծների՛ն և վիշապների՛ն՝ կոխելո՛վ անցնես: 

 


-Փրկեցի՛ նրան, քանի որ նա Ի՛մ վրա հույս դրեց,
հովանի՛ն եղա, քանի որ Անունըս նա լա՛վ ճանաչեց: 

 


Իմ առջև՛ պիտի աղոթքներ կարդա և նրա խոսքը Ես պիտի լսե՛մ,
և կողքի՛ն լինեմ նեղության պահին:

 

 

Ես նրան պիտի փրկե՛մ փորձանքից,
փառավորությա՛ն հասցնեմ նրան,
ազատությունն իմ ճանաչեցնելով՝
գոհացընեմ նրան երկա՜ր օրերով: 

 

 

Սաղմոս 90

Փոխադրությունը՝ Մաքսիմ Ոսկանյանի

Be the first to comment on "Տեր, իմ հույսը Դու Ես"

Leave a comment

Your email address will not be published.


*