Արցախ այցելած կին կոնգրեսականն ԱՄՆ նախագահի թեկնածու է.

 

ԱՄՆ Կոնգրեսի Ներկայացուցիչների պալատի անդամ Թուլսի Գաբբարդը, որն Արփինե Հովհաննիսյանի ընկերուհին է և 2017թ.–ին այցելել է Արցախ, մտնում է նախագահական թեժ պայքարի մեջ։

 

ԵՐԵՎԱՆ, 3 փետրվարի — Sputnik. ԱՄՆ Կոնգրեսի Ներկայացուցիչների պալատի անդամ, Դեմոկրատական կուսակցության ներկայացուցիչ Թուլսի Գաբարդը՝ Հավայի նահանգից, հայտարարել է 2020թ.-ին ԱՄՆ նախագահական ընտրություններին իր թեկնածությունն առաջադրելու մասին և մեկնարկել նախագահական իր ընտրապայքարը։ Նրա ելույթն ուղիղ եթերում հեռարձակվել է թվիթերյան իր էջում:

«Մենք պետք է հակահարված տանք գործող վարչակազմին, որն առաջնորդվում «Ամերիկան՝ ամենից առաջ» կարգախոսով, սակայն մեր զինվորներին, զենքն ու շահերը վաճառում է ամենաշատ վճարող երկրներին»,- իր ելույթում ասել է 37-ամյա Գաբբարդը: Կոնգրեսականը նաև ներկայացրել է իր տեսլականն ու հետագա անելիքները։

 

 

Նա ընդգծել է, որ մտադիր է պայքարել այն կուսակցությունների և քաղաքական գործիչների դեմ, որոնք մտածում են նոր պատերազմներ հրահրելու մասին։

 

Նշենք, որ Թուլսի Գաբբարդը նախկին ԱԺ փոխխոսնակ, ՀՀԿ անդամ Արփինե Հովհաննիսյանի ընկերուհին է։ Նա 2017թ.–ին ամերիկացի կոնգրեսականների պատվիրակության կազմում այցելել է Արցախ։

 

 

Հավայի նահանգը, որը Գաբարդը ներկայացնում է Կոնգրեսում, ընդունել է Հայոց ցեղասպանությունը դատապարտող և Արցախի անկախությունը ճանաչող բանաձևեր:

https://armeniasputnik.am/

Be the first to comment on "Արցախ այցելած կին կոնգրեսականն ԱՄՆ նախագահի թեկնածու է."

Leave a comment

Your email address will not be published.


*