«Ես էլ ամբողջ գիշեր շրջել եմ քաղաքում, հենց Մյասնիկյան պողոտայում անձամբ կանգնել եմ ու հետևել տրանսպորտին. Հայկ Մարության (տեսանյութ)

 

Չի կարելի ձմեռը մեքենա վարել ամառային անվադողերով։ Այս մասին ասել է Երևանի քաղաքապետ Հայկ Մարությանն՝ անդրադառնալով ձմեռային անվադողեր չունեցող մեքենաների պատճառով մայրաքաղաքում ձնամաքրման և երթևեկության հետ կապված խնդիրներին:

 

«Ես էլ նույնպես ամբողջ գիշեր շրջել եմ քաղաքում, տեսել եմ խնդիրները, հենց Մյասնիկյան պողոտայում անձամբ կանգնել եմ ու հետևել տրանսպորտին: Ամառային անվադողերով մեքենաները ոչ մի կերպ չէին կարողանում բարձրանալ վերև, միանգամից ստեղծում էին խցանում, իրար էին խփում, փակվում էր ամբողջ փողոցը, և մեր տեխնիկան չէր կարողանում հասնել տեղ: Չի կարելի ձմեռը մեքենա վարել ամառային անվադողերով»,- ասել է քաղաքապետը՝ կոչ անելով փոխել ամառային անվադողերը ձմեռայինով:

Նշենք,  որ  երեկ տեղացած ձյան պատճառով քաղաքի տարբեր հատվածներում խցանումներ են տեղի ունեցել։ Չմաքրված փողոցները բազմաթիվ վթարների պատճառ են դարձել:

https://news.am/

Be the first to comment on "«Ես էլ ամբողջ գիշեր շրջել եմ քաղաքում, հենց Մյասնիկյան պողոտայում անձամբ կանգնել եմ ու հետևել տրանսպորտին. Հայկ Մարության (տեսանյութ)"

Leave a comment

Your email address will not be published.


*