Սրճարանում մատուցողուհի եմ աշխատել, երբ շատ ավելի երիտասարդ էի. Մարիամ Փաշինյանի հարցազրույցը Armenian Report-ին(տեսանյութ)

 

Armenian Report առցանց հարթակը հարցազրույց է վարել ՀՀ վարչապետ Նիկոլ Փաշինյանի դուստր Մարիամ Փաշինյանի հետ: Հարցազրույցի ընթացքում Մարիամ Փաշինյանը պատասխանել է այն հարցին, թե ի՞նչ է զգում՝ լինելով ՀՀ վարչապետի դուստրը:

 

Դա նորմալ է, բայց միևնույն ժամանակ՝ բարդ: Բայց մեզ համար դա նորմալ է, չեմ կարող որևէ հատուկ բան նշել: Նա միշտ էլ շատ զբաղված է եղել աշխատանքով: Բազմաթիվ ծնողներ օրվա ընթացքում երկար ժամերով աշխատում են: Ճիշտ է, մեզ համար դժվար է եղել, բայց նաև հետաքրքիր, որովհետև մենք նրանից այնքան բան ենք սովորել», – նշել է Մարիամը:

 

Մարիամ Փաշինյանը նաև հայտնում է, որ հեղափոխության օրերին սովորում էր արտերկրում և պատրաստվում քննությունների, սակայն շատ է ցանկացել ամեն ինչ թողնել և գալ Հայաստան: Սակայն, ի վերջո, որոշել է մնալ և ավարտին հասցնել քննությունները:

Այնուհետև հարցազրույց վարողը Մարիամ Փաշինյանին հարց է ուղղել՝ արդյո՞ք ընտանիքում գիտեին, որ հայրը նման մեծ նախաձեռնություն է իրականացնելու:

 

«Ես միանշանակ գիտեի, որ նման մի բան է կատարվելու: Ես դա գիտեի 2008թ.-ի ցույցերից հետո: Այդ ժամանակ բազմաթիվ քաղաքական գործիչներ և ցույցերի ղեկավարներ ձերբակալվեցին: Իմ հայրը մոտ 1.5 տարի թաքնվում էր ոստիկանությունից, այնուհետև 1.5 տարի անցկացրեց բանտում: Երբ նա դուրս եկավ, ես գիտեի, որ նման մի բան տեղի կունենա: Իսկ ինչ վերաբերում է հենց Թավշյա հեղափոխությանը, մենք այդ մասին խոսել ենք ձմեռային արձակուրդների ընթացքում, երբ ես տանն էի: Նա մեզ ասաց, որ նման մի բան է ցանկանում անել»,-հայտնել է Մարիամ Փաշինյանը:

 

 

Իսկ հեղափոխության ընթացքին Մարիամը հետևել է Նիկոլ Փաշինյանի ֆեյսբուքյան էջի միջոցով, ինչպես մյուսները: Իսկ արդեն իշխանափոխությունից հետո, Մարիամ Փաշինյանի խոսքով, ինքը ոչ թե զարմացել է, այլ երջանիկ է եղել. ինչպես և բոլորին, իրեն էլ թվացել է, թե հրաշք է կատարվել:

Մարիամ Փաշինյանը նաև խոսել է Հայաստանում կանանց իրավունքների և ընտանեկան բռնության մասին: Նա նշել է, որ ընդհանուր առմամբ, հայ տղամարդիկ շատ հարգանքով են վերաբերում կանանց և իրենց ընտանիքին: Սակայն, ինչպես բոլոր երկրներում, Հայաստանում էլ, ըստ Մարիամի, կան ընտանեկան բռնության դեպքեր, որոնց մասին չի խոսվում: Մարիամ Փաշինյանի համոզմամբ՝ խնդիրը լուծելու համար այն պետք չէ անտեսել, դրա մասին հարկավոր է խոսել:

 

Մարիամ Փաշինյանը նշել է, որ իր 11-ամյա քույր Շուշանը շատ է կարոտել իրենց հին տունը և իրենց հին կենսակերպը, սակայն Փաշինյան ընտանիքի անդամները փորձում են մնալ այնպիսին, ինչպիսին եղել են:

Իսկ կյանքում ինչ-որ բան փոխելու համար, ըստ Մարիամի, պետք է աշխատել, ոչ թե սպասել, որ ինչ-որ մեկը կգա և իրենց կյանքում ինչ-որ բան կփոխի:

 

«Ես ինքս էլ սրճարանում մատուցողուհի եմ աշխատել, երբ շատ ավելի երիտասարդ էի: Ուզում եմ ասել, որ եթե աշխատանքիդ արժանապատվությամբ մոտենաս, քո տնտեսական վիճակը կբարելավես, իսկ եթե նստես և բողոքես, ավելի հեշտ աշխատանքի ձգտես ավելի բարձր աշխատավարձով, ոչինչ չի ստացվի», – նշել է Մարիամ Փաշինյանը:

 

Իսկ արդյո՞ք Մարիամ Փաշինյանը կմտնի քաղաքականություն՝ նրա խոսքով, կախված է իրավիճակից:

 

Նիկոլ Փաշինյանի դստեր ամբողջական հարցազրույցին կարող եք հետևել կից տեսանյութում:

 

EXCLUSIVE LIVE WITH MARIAM PASHINYAN, ARMENIA'S FIRST DAUGHTER

EXCLUSIVE LIVE INTERVIEW WITH ARMENIA'S FIRST DAUGHTER, Mariam Pashinyan. Mariam is the eldest daughter of Armenia’s new Prime Minister Nikol Pashinyan. Nikol Pashinyan successfully led a peaceful revolution in a corrupt, post soviet country. He woke an entire nation and its diaspora.Nowadays there’s immense interest for Armenia from Armenians and non-Armenians around the world. Whatever is happening in Armenia, we want to know!And what a lot of young Armenians want to know is, who is Mariam Pashinyan?Mariam is 20-years-old and a recent college graduate. She was studying abroad during the Velvet Revolution and returned back to a New Armenia. She’s now learning how to cope with her new family dynamic and settling into her role as First Daughter.This is Mariam’s first interview and I’m forever grateful that she chose me and The Armenian Report platform.Along with having Mariam live, we introduced the audience to three Armenian owned brands that have partnered with The Armenian Report (Henry's House of Coffee | IceLink | Sidon Travel )They are offering The Armenian Report viewers exclusive deals. You must tune-in to get the promo codes.

Опубликовано The Armenian Report Воскресенье, 13 января 2019 г.

http://tejlurer.pro/

Be the first to comment on "Սրճարանում մատուցողուհի եմ աշխատել, երբ շատ ավելի երիտասարդ էի. Մարիամ Փաշինյանի հարցազրույցը Armenian Report-ին(տեսանյութ)"

Leave a comment

Your email address will not be published.


*