Թուրքիայում 70 տարվա մեջ առաջին անգամ քրիստոնեական եկեղեցի կկառուցվի

 

Թուրքիայի իշխանությունները թույլտվություն են տվել վերջին 70 տարում երկրի տարածքում առաջին քրիստոնեական եկեղեցու կառուցման համար:

 

Ինչպես նշում է iz.ru-ն, եկեղեցին կառուցվելու է Ստամբուլում ու պատկանելու է Սիրիայի Հակոբիկյան եկեղեցուն (Ասորական ուղղափառ եկեղեցուն):

Մոր Գաբրիել վանքի հիմնադրամի ղեկավար Կուրյակոս Էրգյունը մանրամասնել է, որ 1950թ. հարավարևելյան Մարդին նահանգում քրիստոնեական եկեղեցու կառուցումից ի վեր սա լինելու է առաջին նմանօրինակ կրոնական հաստատությունը երկրում:

Սուրբ Եփրեմի եկեղեցու հիմնաքարը դրվելու է փետրվարին, մինչդեռ ամբողջ շինարարությունն ավարտվելու է երկու տարուց: Եկեղեցին կառուցվելու է ասորական համայնքի միջոցներով:

 

Էրգյունը մանրամասնել է, որ եկեղեցու կառուցումն անհրաժեշտ է, քանի որ մոտ 30 000 ասորի բնակիչ ունեցող Ստամբուլի համար միայն Սուրբ Աստվածամայր եկեղեցին բավական չէ:

 

http://operativ.am/

Be the first to comment on "Թուրքիայում 70 տարվա մեջ առաջին անգամ քրիստոնեական եկեղեցի կկառուցվի"

Leave a comment

Your email address will not be published.


*