Աճում է մեքենաների գինը, կրկին խթանվում հնամաշ մեքենաների ձեռքբերումը. վերանայեք մաքսազերծման որոշումը․ Մարուքյան

 

«Քիչ առաջ գրությամբ դիմել եմ ՀՀ ՊԵԿ նախագահ Դավիթ Անանյանին՝ կապված մաքսային ծառայության կողմից ավտոմեքենաների մաքսազերծման գների բարձրացման հետ:

Խնդիրն այն է, որ ընթացիկ տարվա հունվարի 01-ից մաքսազերծումը կատարվում է միայն մաքսային ծառայության կողմից սահմանված մաքսատուրքերով և այլևս հնարավոր չէ մաքսազերծումը կատարել մեքենայի առուվաճառքի փաստաթղթերի (օրինակ՝ հաշվի ֆակտուրայի) հիման վրա։ Դրա հետևանքով աճում է մեքենաների գինը, կրկին խթանվում հնամաշ մեքենաների ձեռքբերումը։

 

Այսպես, եթե անձը ցանկանում է ձեռք բերել համեմատաբար նոր ավտոմեքենա, որի արժեքն արտերկրում օրինակ 5.000 ԱՄՆ դոլար է, վաճառքի գնի մեթոդով մաքսազերծումը կազմում է 32%՝ 1.600 ԱՄՆ դոլար, իսկ կոմիտեի կողմից կազմված փաստաթղթերով գինը հասնում է 9.000 ԱՄՆ դոլարի։

Այսպիսով, խնդրել եմ տրամադրել տեղեկատվություն նշյալ որոշման հիմքերի և հիմնավորումների վերաբերյալ և առաջարկել վերանայել այս թանկարժեք մեթոդով մեքենաների մաքսազերծման որոշումը»,- ֆեյսբուքյան իր էջում գրել է ՀՀ ԱԺ պատգամավոր Էդմոն Մարուքյանը:

https://bavnews.am/

Be the first to comment on "Աճում է մեքենաների գինը, կրկին խթանվում հնամաշ մեքենաների ձեռքբերումը. վերանայեք մաքսազերծման որոշումը․ Մարուքյան"

Leave a comment

Your email address will not be published.


*